سي السيد و حرمه الليدي امينة

صباح الخير

انهاردة جايبلكم عن حياة سى السيد وحرمه المصون الليدى أمينة

لكن سنة

2009

سى السيد:

مساء الخير يا امينة من فضلك تحضريلى الاكل عشان جاى تعبان من الشغل .

امينة:

اولا:اسمى ست امينة , مش امينة كده حاف.
ثانيا:مفيش اكل لانى اتغديت فى النادى انا والعيال وانا لما بكون شبعانه مابعرفش اطبخ
ثالثا:ياروح الروح كنت تخلى اللى انت جاى من عندها وش الفجر تعملك السم ولا انت فاكرنى خدامة يورفازر..اوفففففف

سى السيد:

خلاص يا ست امينة انا اسف اخر مرة اطلب اكل.
تب ممكن تندهيلى العيال اسلم عليهم عشان وحشونى
وفى سره .(يشلوكى على نقالة يا أمينة)

امينة:

عيالى ياحبيبى مابيسلموش على حد ومش فاضيين دلوقتى.البنات بتبص من الشبابيك على اللى رايح واللى جاى ,والولاد قاعدين على القهوة بيعاكسوا البنات الى رايحة واللى جاية.طلبات تانيه ياسوسو..

سى السيد(والدمعة هتفر من عينه) :

لا يا قويه يا مفتريه اهئ اهئ والله لابعتك عند ماما .هه بس

امينة:

يامامى انا خايفة اوى,اغمن عليا ,اغمن عليا خش نام ياللا وبلاش كلام فاضى ,
انا اروح لماما وقت مايعجبنى
واللى مش عاجبه عنده القلة يشربها ويبلع بالزير...فاااهم

فى اليوم التالى:

سى السيد ينتظر فى الشباك امينة لما ترجع من مسرحية(كشكش بيه)
ويسمع صوتها اتيا من بعيد فيهرول(ياربى ميكلهاش تورماى وهى جايه) حاملا لمبة الجاز لكى يضئ لها الطريق.

امينة:

ايه اللى مسهرك يا سوسو انا مش قلتلك تنام انت عشان انا هتاخر بتسهر انت اليومين دول وحالك
مش عاجبنى ياسيسى

سى السيد:

معلش يا ست امينة انا قلت برضه يمكن تحتاجى حاجة كده ولا كده

امينة:

تيب .. تيب مش عايزة ابوظ الليلة بئى متوجعش دماغى ياسوسو
وانا الصبح حكيلك المسرحية كلها..اوك

سى السيد:

ربنا يخليكى ويحميكى ومايحرمنيش من دخلتك عليا
الساعة واحدة بعد نص الليل يامراتى يا حبيبتى يا جميله.

امينة تضحك ثم تدخل لتنام وتقفل الباب فى وجهه

فى اليوم اللى بعد التالى:

امينة فى فترة المساء والسهرة مخاطبة سى السيد:

اعمل حسابك ياسى سى,ان فى عريس جاى لعائشه بكره

سى السيد:

مين ياترى..لو كان يعنى من حقى اسال

امينة:

الواد الظابط ده اللى كانت بتعاكسه من الشباك مش فاكره يا سى

سى السيد:

الواحد حيفتكر ايه ولا ايه يا ست امينة على العموم لو انت شايفاه كويس خلاص الشورة شورتك.

امينة:

خلاص نتكل على الله ونخلى الفرح فى نفس يوم فرح خديجة

سى السيد:

ايه ده!هى خديجة بنتى هتتجوز مبروك الف مبروك

امينه:عقبال ولادك يا ساسو

يوم الفرح:

امينة تستقبل الراقصات وترحب بهن

وياتى سى السيد ليمارس هوايته المحببة, ان يحاول ان يكون رجلا:

-ايه ده ازاى مش ممكن راقصات فى بيتى.

امينة تتجاهله تماما وتقود الراقصات الى غرف تبديل الملابس ثم تعود متجهمة الى سى السيد قائلة:

اعمل حسابك انك بعد الفرح حتروح لمامتك لغايه ما ابعتلك العيال ياخدوك..مفهووووم
علشان تبئى تقول بيتى دى تانى..رجاله اخر زمن..

وبعد الفرح تم ترحيل سى السيد الى منزل والدته ومازال ينتظر ان تبعث له امينه بالاولاد كى يعيدوه الى بيته..

قصدى ...بيتها

طبعا مش كل الرجالة كدة

بس فعلا فى رجالة كدة وأكتر من كدة والله

والله مفترية اوى امينة دى
وسيد دا طيب اوى
ربنا يستر علينا

خاااااااااااااااااايف من اية ومن مين يامحمد ربنا يستر ع الكل

ربنا يستر من كل حاجة
اكبد انتى عارفة

ههههههه
مشكوره على زمن سي السيد الجميل ده

انا اللي بشكرك ع مرورك يااجمل شاهي

مواضيعك هيا اللي بتجبني وتخليني
اتحمس ليها
مستنين كل جديد