يوميات ام سيد

يومياة أم سيد

الحلقه الاولى
اكشن
يبدأ المشهد الاول بجلوس ام سيد بتتشمس على نصية الحاره وعينيها كلها شره والشياطين بتلعب في وشها
ويمر عليها الدكتور رستم الانبول بعجلته الماسورتين والافارول الابيض الى بصراحه انا مش شايفه ابيض ونظارته اللتى اكل عليها الدهر وشرب وعوده النحيييف جدا ويقول في صوت ضعيف صباح الخير يا ام سيد منوره
ترد عليه ام سيد صباح الجاز ايه يا موكوس لسه جاي ؟؟؟؟ دي الساعه واحده والولاد اخر ما زهقو مشيو؟
فيرد عليها الدكتور انبول: والله قايم من النوم مش عارف حاسس انا هتحول الى قرد مش قادر اقوم
ام سيد: ههههه ضحكتنى مانتا متحول لقرد من زمان وهو انت مفكر ان دي ملامح بنى ادم ولا انت ما شوفتش نفسك من زمان
الدكتور بيتكلم بصوت واطى: انعل ابو اصطباحتك يا ست يا مفتريه ربنا يهدك
ام سيد: بتكلم بتقول ايه سمعنى؟
انبول: بقول ربنا يخليكي للحاره يارب وينولك الى تتمنيه
ام سيد :مش عارفه مش مرتاحه لكلامك ليه عالعموم ربنا يرزقك بعربيه مافيهاش فرامل او سفينه مافيهاش قبطان او قطار ينحرف عن طريقه
ونسمع بعد ذلك صوتين معتادين تكتكتكتك والتانى تششششششششششششششششششششششش
تكتكتك دا صوت عجلة الدكتور انبول اول ما تطلع لانها اوتو مافيهاش نقل فبيطلع عالرابع
انما تشششششششششش دا الدش بتاع كل يوم الي بتقدمهولنا عدلات وهى متعهدة شاور كل يوم بس المشكله ان الميه الى احنا نعرفها ليس لها لون ولا طعم ولا رائحه انما مية عدلات ليها طعم اكيد كل الحاره دي داقته وريحتها لسه في مناخيري ولونها هو اللون الاسود الداكن
بصراحه انا انا مش عارف دي ميه ولا نبالم مالى كانو بيستخدموه في حرب اكتوبر
والصوت الى بتسمعه الى مكمل للسيمفونيه دي هو هاااااااااااااااااااااااااااااااااااااه والله ما اخدة بالي يا خويا
اما عن انبول فطبعا كبيرة الحاره قاعده فمش عارف يتكلم
ام سيد ترد بصوت غجرى : مافيش يوم ياختى وانتى بترمى الميه دي تنزلي وراها
عدلات تتكتم وتدخل بلا رجعه
وما هى الا لحظات حتى تسمع ام سيد صوت عربيه ودي حاجه مش معتاده عندها
فتطلع الموبايل الى له حكايات معاها وتتصل بتامر حكايه
ام سيد انت فين يا تييييييت
فيرد تامر بصوت فيه نهجه:انا في الزقاق
ام سيد تيجي دلوقتى لانى سامعه صوت غريب في الحاره ما سمعتوش من ايام مابو سيد كان عايش
فيرد عليها خير يا كبيره
ام سيد:الصوت دا يا تجيبلي اتره يا تجيب لي خبره
حكايه: علم وينفذ
تقوم ام سيد وتلملم هدوما وداخله البيت سماسم
انتى يا مخفيه فترد عليها
ام سيد :خلصتى الغسيل وتاخذ الغسيل وتطلع تنشره عالسطوح
وبينما ام سيد تنشر الغسيل وربنا طبعا يكون في عون سور السطوح
فى الوقت دا بالظبط يمر عكشه الحلاق ومراته بتجري وراه في الحاره ومن سؤ حظه ان سور السطوح بتاع ام سيد كان قديم شويه فاخدة ام سيد السور ونزلة فوق المعلم عكشه
بووووووووووووووووووووووووووووووووووووووووووووووووووووووووم
طبعا كله عاوز يتطمن على ام سيد وهى كدا ما صابهاش حاجه
يبدا المشهد دا بموقف مش تمام ام سيد نايمه فوق المعلم عكشه في وسط الحاره وردها طبعا الى لازم يكون له طابع خاص
تقول: ام يابو بخت مايل
ولكن المعلم عكشه ما قامش لانه غاب عن الوعى بعد حضن الدب دا
امرة ام سيد بالاسعافاة الاوليه وهى انهم يدوه تحت شباك عدلات فجه الاطفال البرياء جرى وشدو المعلم عكشه من رجليه ومراته بتصوت وسرعان ما سمعنا
تشششششششششششششششششششششششششششششششششششششش
العيال اخدو الشاور بتاعم والحمد لله والمعلم عكشه للاسف ما فاقش بعد حمام النابلم دا
حاولة ام سيد تعمل حركة مجدعه ورنة عالاسعاف وقفلة بسرعه علشان رصيدها
فاتصل بيها الاسعاف بس للاسف ما حدش هيجي كالمعتاد وهى عارفه بس عملة الى عليها
الاجراء التالت من الاسعافاة الاولية ان الولاد الجمال دو يشدوه لاقرب مستشفي تبعد بحوالى 2 كيلو شويه يشدوه وشويه يدحرجوه برجليهم وعليهم حركاة كدا مش تمام كانو بيعملوها المعلم عكشه حكالنا عليها لما قام
ودخل المستشفي المعلم عكشه وشخص الدكتور الحاله انه خابطه قطار ودخل (الإن عاااااش)
وترجع ام سيد لتجلس في الشمس في مكانها المعتاد عالناصيه تحت عامود النور
ولكن هتحصل كارثه دلوقتى ام سيد مكانها فيه حد *****
مكانها فيه عربيه سكلنس العربجي
ولكن ام سيد اعقل من انها تهزأه فسحبة الحصان وعلى اول الطريق ضربته بشده فأطلق الحصان ساقيه للرياح وطلع يجري بلا عوده
وترجع ام سيد لمكانها الفاضي
وتلاقي سكلنس بيدور على حصانه بس طبعا عمرها ما هتقول له الجريمه البشعه الى عملتها
سكلنس شوفتيشي الحصان يا ام سيد
ام سيد تدور في جيوبها وتقول له لا ياخويا والله ما معاييش يقولها معاكى
تقول له حمص
سكلنس
حمص ايه يا ام سيد انا بدور على حصانى
ام سيد العيب عالنظر يابنى انت عارف حكم السن
سكلنس بيغازلها سن ايه انت يا جميل صوتك كان بيلعلع امبيرح وانتى بتتصلي عالاذاعه عاوزه كشك سجاير
ام سيد وانت سمعتنى يا سكلنس انت بتتصنط عليا
سكلنس انا لا والله دي عدلات الى بتتصنط عليكي وهي الي قالتلي
ام سيد اه اتصلة ولسه مستنيه المذيعه هترد عليا تقول ايه؟؟؟؟؟


وغدا نلتقي ام سيد والحلقه التانيه