إذاعة الشباب على منتدى الماجيك(برنامج مني لحبايبي)

تذكير بمساهمة فاتح الموضوع :

فى البدايه ارحب بكم جميعا اعضاء ومشرفين منتدى الماجيك
احلى صباح واحلى مساء الخير تهديكم اذاعتنا تمنياتها بيوم مشرق تتحق فيه كل امانيكم واحلامكم
هنا محدثتكم الماسة من خلف الميكرفون نتمنى لكم اشراقات صباحيه مليئه بالحب واماسى مليئة بالسعادة نستقبل اهدائكم واتصالتكم التى تنير سماء الاذاعه باصواتكم العذبه
انطلاقه جديده لهذه الاذاعه التى نتمنى ان تلقى صدى طيب وتفاعل منكم واليكم تقدمون فيها اهدائكم وتهدونها لشخص عزيز قريب الى قلوبكم او شخص تريد ان يذكرك او يذكره قلبك ايضا تقدروا تهدوها لاى عضو من اعضاء منتدانا الحبيب عامه بدون تحديد
تحيه كانت او شكر وتقدير كلمه كانت او بيت شعر بطاقه كانت او همسه
اورساله إحساس او اى شى يكون فى خاطركم...........
يلا نبدا ونشوف مين اللى هيشاركنا اهدائه الاول واى مشكله احنا معاكم وكل يوم فى موضوع كلنا هنتكلم فيه وهنتكلم في كل حاجة سواء مواضيع شبابية او عن الحب واي حد يقدر يقول رايه ووجهة نظره في موضوعنا بحرية
واتمنى ان تقضوا وقت ممتع معانا النهارده موضوع عن الحب وكل حاجه عنه وانت شايفه ازاى؟؟ واول اتصال معانا هيكون من مين ونقول الوووووووووووووووووووووووووو

تنورنا يا مستر ف اي وقت وبشكرك ع تفاعلك الجميل معانا مع انك لسه مشترك جديد وكمان تعبان بس بقولك سلامتك ما تشوفش شر ابدا
وبشكرك ع الخدمه الجميلة اللي انت مقدمها بس ياريت تكون ليك علاقة بالكومبيوتر عشان خاطر ما يحصلش مشاكل بشكرك جدا بالنيابه عن كل اصدقاء البرنامج شكر ماستر
باانتظار مشاركتك تاني

ايوه شاهي معانا اهلا بيكي مرة تانية منوره البرنامج وحشتيني قوي
بشكرك ع مشاعرك الجميلة تجاه الصديقة الرائعة سمسمه ويارب تشوفو بعض وانشاءالله انا هحاول ع اد ما اقدر اخليكو تشوفو بعض بس انتوا قوليلي موافقين؟؟؟؟؟؟؟؟
وبرده انا كمان احب اهني سمسمه واقولها كل سنه وهي واحمد طيبين وربنا يخليكو لبعض وما يحرمكوش من بعض خالص وعقبال مرور سنه من بعد الفرح ياااااااااارب
بشكرك كتير يا شاهي وياريت ترجعي تتصلي بينا اقرب وقت عشان البرنامج مالهوش طعم من غير شـــــــــــــــــــــــــــــــــــــــــــــــــاهـــــــــــي
بانتظارك معانا مره تانية ونشوف معانا اتصال تاني ونقول الووووووووو
معانا انس الوجود الووو؟؟

بشكرك يا مستر ع تفاعلك بالرغم من انك صديق جديد وكمان تعبان
بس سلامتك ما تشوفش شر يارب
انشاءالله يكونو كل الاعضاء بالتفاعل الجميل ده بشكرك جدا ع الخدمه بس ياريت تكون ليك علاقه بالكومبيوتر
عشان ما يحصلش مشاكل هنا
بشكرك بالنيابة عن كل اصدقاء البرنامج وفيه اتصال جديد معانا اهلا انس الوجود
الووووووووو
معانا انس الوجود
اهلا بيك
..............................
شكرا ليك صباح الفل عليك وعلى جميع الاصدقاء
وبشكرك جدا ع مشاركتك الرائعة
ونتمنى تنورنا علطول
...................................

أعزائي أصدقاء برنامج (( مني لحبايبي)) بشكركم جدا على تفاعلكم الاكتر من رائع معانا وأتمنى يكون البرنامج نال اعجابكو وحابه اهديكو كلكو أسمى معاني الصداقة اللي نمت بين كل الاعضاء من خلال هذا المنتدى وهذا البرنامج وأتمنى أن تكون الروح دي بيننا كده علطول يارب وحابه في ختام الحلقة دي اشكر كل من تفاعل معانا وكل من كتب ولو كلمه في هذا البرنامج وأحب اقولكو ان انا كنت سعيدة معاكو جدا في الحلقة دي ويارب ما تحرموناش من الجمال ده في الحلقة الجاية

*****************
بس حابه اوضح ان هنستقبل إهداءاتكو وتحياتكو زي ما كنا في الحلقة اللي فاتت لكن
الجديد في الحلقة الجديد ة ان احنا حابين نفتح موضوع نتكلم فيه ونتبادل الاراء ونتعرف على بعض اكتر من كده وانا عن نفسي حابه ان احنا نتكلم في موضوع (ماهو الحب وكيف يكون حبا صادقا) ومن بنظرك اللي يستاهل انك تديه كل الحب اللي عندك وهل ترى ان الحب ده حقيقة فعلا في الزمن ده ام أنه مجرد أوهام
طبعا انا احب اخد اراءكو واقتراحاتكو وردودكو على الموضوع ده
مع العلم انك تقدر تهدي كل حبايبك من برنامجنا ده علطول على مدى الاربعة وعشرين ساعة
وعلى الهواء مباشرة
وأحب اكون انا اول من يبدأ الاهداءات ف حلقتنا الجديدة

******************
أنا أولا حابه اهدي كل من أعطاني حبا وحنانا وكل من ائتمنني على قلبه وع صداقته
واولهم أكيد أغلى الناس عليا
والداي العزيزان
واقولهم ربنا ما يحرمنيش منكو يارب
وبعدهم كل من دخل في قلبي وعاش فيه وتربع في حنانه وأكيد منهم ناس كتير ف المنتدى وهم بالتأكيد عارفين هم مين
بهديكو كل حبي وكل اخلاصي وكل وفائي ليكو وكل لحظة حلوة عشناها مع بعض ويارب الايام الجميلة دي ترجع تاني يااااااارب

************
وتاني حاجة انا حابه اهدي شخص عزيز جدا على قلبي بهديه كل ما لم يهدى من قبل
بهديك احلى كلمات
واحلى مشاعر
اللي اكيد هيا ليك في قلبي
الشخص ده هو توأمي ونورعيني
ALMAJIC

**********

تالت حاجة احب اهدي كل اصدقائي الغالييين على قلبي جدا واللي اتمنى ايامي معاهم ترجع تاني
وخاصة الموجودين هنا في المنتدى وانا هذكرهم بس ياريت لو سقط احدهم سهوا يسامحني ويفكرني وهم
سمسمة
أنثى يخجل منها القمر
روءه
بنت الشرقيه
أمون
وطبعا بالاضافة الى اللي مش موجودين ف المنتدى
ويارب بس ما انساش حد

رابع حاجة حابه اهدي كل اعضاء المنتدى وبالخصوص اصدقاء البرنامج شكر كتييييييييييير
ع تفاعلهم معانا ويارب ما يحرمناش من نوركو في برنامجنا ده ابدا

**************
في النهاية اتمنى ما اكونش طولت عليكو
واتمنى تكون اهداءاتي وصلت من القلب الى القلب

وأتمنى منكو تفضلو معايا في كل الحلقات وتتفاعلو لان البرنامج انتو لمسة نجاحه وجماله
وبشكركو كتييييييييييير
ودلوقت هنشوف الاهداءات الجديدة والمشاركة معانا ف موضوعنا الجديد اللي ذكرناه دلوقت
ونشوف معانا اول اتصال في حلقتنا الجديدة ونقول

الووووووووووووووو؟؟؟
مين معانا
.............

الو معاكي الماسة جديدة حابه تشارك معاكي في الموضوع
الماسة:اهلا بيكي الماسة اتفضلي
الماسة2:أنا شايفة ان الحب ده هو جمال الحياة لانه لا حياة بلا حب والحب ليس هو السعادة انما هو مفتاح لها لو قدر معناه وأخذ مفهومه الحقيقي وأضيفت اليه كل معانيه الجميلة (الاخلاص الوفاء الحنان........) ده من وجهة نظري
وتاني حاجة الحب عمره ما يكون صادق الا اذا كان مبني على الصدق والوفاء
لان ما بني على باطل فهو باطل
وبنظري اللي يستاهل الحب ده اولا الوالدين
وبعدهم ييجي كل من أعطاني الحب نفسه وكل من كان صادقا معي وكل من أحس بكل ما بداخلي وكل أفراحي واحزاني
خاصة اصدقائي
وانا شايفة ان الحب ده حقيقة مش وهم بس بشرط ان يكون حب صادق لا يحوي شوائب وليس مبنيا ع المصالح ولا ع المظاهر الكذابة
وتشكري ماسة ع موضوعك ده وأتمنى ما اكونش ضيفة تقيلة عليكي انت وكل الاصدقاء
شكر ماسة
الماسة: شكرا ماسة على مشاركتك معانا ونشوف اتصال تاني ومشاركة تانية ورأي تاني ونقول الوووووووووو مين معانا

الوووووووووو...
ماسة معاكى سلفستر
احب اقول رأيي فى الموضوع الكبير والحلو دا

إذا كانت هذه الجمل تنطبق عليك فأنت حتماً مصاب بالحب)

- عندما تشعر بإحساس غريب وعميق ودافئ
- عندما يزداد خفقان قلبك لرؤية أو تذكر إنسان ما
- عندما تشعر باضطرابات داخلية وإحساس ممتع غير موصوف
- عندما لا تشعر بالوقت معه
- عندما تستمتع وتتلذذ بأحلام اليقظة
- عندما تفكر بذلك الإنسان قبل التفكير بذاتك ونفسك
- عندما تنظر إليه نظرة طاهرة بعيده عن أي غرائز دونية أو نزوات شهوانية
- عندما تشعر انك أخف وزنا من الهواء وأكثر عمقا من المحيط وأقوى من الجبال وأنقى من البياض
- عندما تشعر أن ذاتك العاطفية مشبعه تماما
- عندما تنظر إلى أي جنس وترى أنهم كلهم سواسية عدا وسوى من تحب
- حينما تبكي عند الفراق وتعيش على أمل لقاء ثاني
- حين ترى أو تسمع أو تشم أي شيء جميل وقتها يقفز إلى ذهنك من تحب
- حينما تبكي .. وتبكي .. وتبكي وحيدا وبعيدا عند فقده وتبقى طول عمرك على ذكراه فلا تستطيع أن تكرهه أو تبعده أو حتى تنساه
- حين تعيش حياة الآخرين وأنت سجين عالمك من الحزن والبكاء والشقاء
- عندما تتوارى .. وتتوارى حزينا صغيرا كسيرا
******************************
إذا ما علمت كل هذا فيك .. وأكثر .. فاعلم أنك قد أحببت بكل صدق

شكرا ليك سلفستر على تفاعلك الجميل والرائع واتصالاتك الاكتر من رائعة وتفاعلك الجميل معانا وياريت تفضل صديق منور برنامجنا علطول يارب
ويريت كل اصدقاءنا يتفاعلو مع موضوعنا
ويارب يكون الموضوع عجبكو يارب
ونشوف معانا اتصالات تانية ونقول الوووووووووو
معانا تلفون الو.؟؟؟؟؟

باااااااااك رجعنالكو من السفر والحمد لله واحب اهدي اجمل باقة ورد للماسه عالكلام الكبير دا
انا يمكن بقول الكلام دا لتانى مره انتى كلامك ما يتقرأش
انتى كلامك بجد احساس
وممكن الاحساس يعبر الى الكلام ما يعرفش يقوله
وربنا ينول كل واحد الي تمناه والى يكون فيه صلاح الدنيا والاخره

ثانيا ودا الاهم انا الحمد لله ليه في الكمبيوتر باع كبير في مجال البرمجيات والصيانه والشبكات والجرافيك وانا مش هشهد لنفسي علشان كدا حطية الموضوع بقلب جامد

وجمدي قلبك واحرقي الكمبيوتر بتاعك ومالكيش دعوه
هههههههههه

اشكرك على ردودك

باااااااااك رجعنالكو من السفر والحمد لله واحب اهدي اجمل باقة ورد للماسه عالكلام الكبير دا
انا يمكن بقول الكلام دا لتانى مره انتى كلامك ما يتقرأش
انتى كلامك بجد احساس
وممكن الاحساس يعبر الى الكلام ما يعرفش يقوله
وربنا ينول كل واحد الي تمناه والى يكون فيه صلاح الدنيا والاخره

ثانيا ودا الاهم انا الحمد لله ليه في الكمبيوتر باع كبير في مجال البرمجيات والصيانه والشبكات والجرافيك وانا مش هشهد لنفسي علشان كدا حطية الموضوع بقلب جامد

وجمدي قلبك واحرقي الكمبيوتر بتاعك ومالكيش دعوه
هههههههههه

اشكرك على ردودك

الوووووووووووووووووووووووووووووو مرحباً بيكوووو رجعت تانى للبرنامج الرائع ده وبقولك شكراً مره تانيااااا يا مزيعتناااا الغاليه
وعندى اقتراح للبرنامج الرائع ده
فى احداى الحلقات . تختار المزيعه عضووو من المنتدى وتسئله شويه اسئله ويريت تكووون محرجه علشان البرنامج يولع
............................................
نرجع لموضوعناااااا الـــــــــــــــــــــــحـــــــــــــب

لاتعطي الحب الا لمن يستحق

الحب أساس علاقتنا .

الحب مضني قلوبنا.

الحب لذة حياتنا .

الحب مسعدنا ومحزننا.

الحب ......

كلمة سهله في كتابتها

بسيطة في نطقها

عميقة بمعانيها

قاسية بعواقبها غالبا

جارحة للقلوب دائما

نبحث عنها في حياتنا فان وجدناها ندمنا على وقتنا الذي أضعناه في البحث عنه
الكلام ده منقوووووووووووووووووووووووووول

.................................................

الاهداء .... احب اهدى اغنيه طمنى لـ عمرو دياااااااااب
طمني
امتي تقرب منى
ده انا عاشق مستنى
واقف فى مكانى بنادى عليك

يا غالى
امتا تريح بالى
وحياتك قولهالى
ياللى انت كلامك باين فى عنيك

يا غايب
يا اغلى الحبايب
ياللى فى حبك دايب
ده انا عمرى عشانك وعايشوا ليك
دى الدنيا معاك انتا حاجه تانيه ولما بتعد ثانيه
قلبى بيشتاقلك وروحى تناديك

طمني
امتي تقرب منى
ده انا عاشق مستنى
واقف فى مكانى بنادى عليك

ــــــــــــــــــــــــــــــــــــــــــــــــــــــــــــــــــــــــــــــــ

واهداء خاص جداً لـ شاهى وقولها مليار مبروك على لقب ملكه المنتدى ونشاء الله تفضلى ملكه على طووووووووووووووووووووووووووووووووووووووووووول

اهلا بيك معتز معانا مره تانية
***
نورت البرنامج بس الغيبة طويلة قوي
عموما منورنا بس متعملهاش تاني
****
بشكرك كتير هو فعلا اقتراحك ده جميل بس انا هحاول ع اد ما اقدر
انفذه ( ع أد ما اقدر) يعني مش اكيد لان انا بصراحة مبعرفش اطلع اسئلة محرجة
****
شكرا ليك ع تفاعلك مع موضوعنا يا معتز
نورت البرنامج بانتظارك مرة تانية عن قريب

الو ...... سلام عليكم
مذيعتنا معايا طيب انا برسل سلام للحاجه والحاج في كفر الغاب
واخر مره كلمونى قالو ان حالة ام سيد الماديه بقيت مش ولا بد
فيارية رجاء من الحكومه توفر ليها اى حاجه تساعدها ماديا وتساعد الشباب في مصر حتى لو كشك سجاير
واكون شاكر افضالكم

(ماستر)

هههههههههه
جامد يا ماجيك
وانا بدعى لام سيد

شكرا يا ماسه على اهداءك الرائع
ده وياريت اتعرف عليكم كلكم اكتر واكتر

ميرسي يا معاذ على الاهداء الجميل ده
وبرجع وبقول ليك تاني انك انتا
تستحق فعلا اللقب ده واكيد كل الاعضاء \

كلهم يسنتحقوا

أهلا بيك يا ماجيك نورتنا
بس ليه الغيبة الطويلة دي كنا مستنيينك من زمان
عموما حمدالله على سلامتك كنا منتظرينك
***************
اتفضل شارك
************
وانا كمان ببعت سلامي ليهم ويارب تتيسر الامور ويريت لو فيه حد من الحكومة سامع نداء الماجيك
يستجيب له لان انا كمان بنضم لنداؤه ويارب ييسر الامور يارب
************
بس ياماجيك بلاش كشك سجاير خليه كشك شوكولاته وشيبس وايس كريم مش احسن ولا انت ايه رأيك
*************
عموما بشكرك كتييييييييييييييييييييييير
ونورتنا وياريت ما تغيبش علينا تاني
******
بشكرك كتير يا ماجيك
ونشوف معانا اتصال تاني ونقول

الوووووووووووووووووو
الو

اهلا بيكي شاهي
***
نورتينا ووحشتينا
***
بس الشكر على ايه انا كل ده عشان انتي طبعا عارفة معزتك عندي اد ايه وما يغلاش عليكي اي حاجة انت وكل اصدقاء البرنامج
ويارب نلتقي قريب ياااااااارب
****
شكرا شاهي ع مشاركتك معانا النهرده
وتسلمي على تواصلك الرائع ده
****
ونشوف معانا اتصال تاني معانا تلفون
ونقول الوووووووووووووووووووووووووووووووو

الوووووووووو
ازيك يا احلى ماسه معاكي
متابعت البرنامج ديما مستمعاه اختك شاهي
انا بهديكي احلى تحيه ومساء عليكي
وبقولك وحشتيني كتير قوووووووووي
ويارب اشوفك تاني وتكون من اجمل
الصدف اللي حصلت في حياتي
وبدعي ربنا يوفقك لكل ما يحب ويرضى

الووووووو
ماسة معاكى سلفستر
نفسى بجد قبل ما انام اهدى الاغنية دى لبنت الشرقية

ميحرمنيش منك

*************

حبيبي و انا جنبك تعرف بحس بايه
و انا في حضن قلبك ببقى عايز ايه
يامحلى الدنيا و انا جنبك يا كل منايا محتجلك
حبيبي يا عمري ماتسبنيش و حياة اغلى حاجة عندك
و ما يحرمنيش منك و ما يبعدنيش عنك
حبيبي النهارده لازم تعرف حبك عاملي جنان
انا بحبك بحبك حب ما حبوش انسان اه يا حبيبي
و ما يحرمنيش منك و ما يبعدنيش عنك
يامحلى الدنيا و انا جنبك يا كل منايا محتجلك
حبيبي يا عمري ماتسبنيش و حياة اغلى حاجة عندك

وبعد كدا اقولها تصبحى على خير

الو ايوا
لو سمحتى معايا ام سيد دلوفتى وعاوزه تكلمك

الو
ازيك يا ابله
الحوار وما فيه صلي عالنبي
الشباب اليومين دول مافيش وراهم التدخين عشان كدا اوعدكو ان انا لو الحكومه عملة لي كشكى
ممكن اعمل عروض جميله اوى
العرض الاول
خد سيجارتين ويبقي لك سيجاره
والعرض التانى ان انا لو علمة سيد ابنى التدخين هديك بالجزمه
وما زالة عروض ام سيد شغاله
تقبلو مرور ام سيد مع انها عاوزه المرور يقف علشان تعدي

اهلا بام السيد اخت غاليه علينا كلنا

الووووووووووو سلاموا عليكوا
اخباركم عاملين ايه كل سنه وانتوا طيبين بمناسبه الشهر الكريم
انا احب اهدي الاغنيه دي الي حبيبتي التي لطالما ساندتني شمس حياتي
وهي اغنية (ناي) لكاظم الساهر
والاغنيه بتقول

في الشارع عتمة ونور
زحمة واشارات المرور

في الشارع عتمة ونور
زحمة واشارات المرور

توقف على انفاسي الطريق
مشيت انا وهمي العتيق

توقف على انفاسي الطريق
مشيت انا وهمي العتيق

في الشارع عتمة ونور
زحمة واشارات المرور

في الشارع عتمة ونور
زحمة واشارات المرور

توقف على انفاسي الطريق
مشيت انا وهمي العتيق

توقف على انفاسي الطريق
مشيت انا وهمي العتيق

قبل التعب ما يهدني
سمعت صوت شدني

قبل التعب ما يهدني
سمعت صوت شدني

ناي .. ناي .. في صوتها ناي
ناي .. ناي .. في صوتها ناي

ناي .. في صوتها ناي
ناي .. في صوتها ناي

غنى وجرحني الشجن
دقات قلبي وقفن

غنى وجرحني الشجن
دقات قلبي وقفن وخطاي وخطاي

قالت وش الوقت؟
قالت وش الوقت؟

ناظرت ليل عيونها
وصبح الجبين

مرت ثواني صمت
مرت ثواني صمت

ناظرت ليل عيونها
وصبح الجبين

مرت ثواني صمت
مرت ثواني صمت

قلت الزمان انتي
انتي الزمان انتي

قلت الزمان انتي
انتي الزمان انتي

مرت ثواني صمت
مرت ثواني صمت

قلت الزمان انتي
انتي الزمان انتي

وكوني اللي تبين كوني
كوني اللي تبين

من يومها..
ما عاد اناظر ساعتي

وش حاجتي..
وش حاجتي..
اعد الزمان..
اعد الزمان..
وهي الزمان الجاي
هي الزمان الجاي

ناي .. ناي .. في صوتها ناي
ناي .. ناي .. في صوتها ناي

ناي .. في صوتها ناي
ناي .. في صوتها ناي

غنى وجرحني الشجن
دقات قلبي وقفن

غنى وجرحني الشجن
دقات قلبي وقفن وخطاي وخطاي

قالت وش الوقت؟
قالت وش الوقت؟

تقبلي مروري

وارجوا ان تتقبلوني صديق لكم في المنتدي

اكيد انتا صديق وفيه يوم هتتعود علينا كلنا

متشكر لقبولك الصداقه

ربنا يديم الصداقه يا رب

وان شاء الله اتعرف علي اعضاء المنتدي كلهم واكون صديق ليهم

ألو
أهلا بيكي معانا مرة تانية نور الظلام
***
بشكرك ع متابعتك اللي منورة البرنامج
***
ويارب اشوفك امين يارب
يا رب اشوفك شوفه حلوه غير الامتحان والسفر
يااااارب
لانك بجد وحشتيني
***
ربنا يوفقك يارب دنيا واخرة
نورتي البرنامج باتصالك ومتابعتك الرائعة للبرنامج شكرا نور الظلام
**********
ونشوف الاتصال التاني ونقول الووووووووو
؟؟؟؟؟؟؟؟؟؟؟؟؟؟؟؟؟؟؟؟؟؟؟

الو يبدو ان سلفستر معانا ع الخط اهلا بيك سلفستر منور البرنامج
***
اتفضل حابب تهدي او؟؟؟
***
اتفضل
***
بشكرك ع اهداءك الرائع ده وربنا يارب يخلي كل الحبايب لبعضهم وما يحرمكوش من بعض خالص

شكرا سلفستر ع مشاركتك وتواصلك الجميل معانا
***********************

ونشوف معانا متصل جديد في البرنامج ونقول الوووووووو
؟؟؟؟؟؟؟؟؟؟؟؟؟؟

أهلا معانا ماستر مرة تانية
اهلا بيك في برنامجنا
*****
اوكي ناخد ام سيد
اهلا بيكي معانا منورة البرنامج يا ام سيد
*****
بشكرك كتير ع مشاركتك معانا نورتي البرنامج
************
ونشوف معانا اتصل تاني ونقول الوووووووووو
ايوه مين معانا

الله يخليك يا عسل

الو
****
ايوا
اهلا بيك صديق جديد معانا على برنامجنا نورت البرنامج [
****
اتفضل بمشاركتك
****
شكرا ليك ويارب يكون اهداءك وصل
وتكون صديق دائم للبرنامج ونتمنى تواصلك وتفاعلك الدائم اللي نور برنامجنا النهردا يفضل كده علطول
شكرا
zero cold
شكرا ليك
**************
يبدو النهرده ان كل اصدقاءنا متفاعلين معانا لكن
الظاهر ان اغلبكو ناسي ان احنا فاتحين موضوع للنقاش عشان كده احب افكركو بيه تاني وهو
(ماهو الحب وكيف يكون حبا صادقا) ومن بنظرك اللي يستاهل انك تديه كل الحب اللي عندك وهل ترى ان الحب ده حقيقة فعلا في الزمن ده ام أنه مجرد أوهام
طبعا انا احب اخد اراءكو واقتراحاتكو وردودكو على الموضوع ده

بانتظار ردودكو واهداءاتكو المستمرة معانا ع البرنامج
وتحية خاااااااااااااااصة مني انا الماسة من خلف المايكروفون لجميع اصدقاء برنامج مني لحبايبي على اذاعة الشباب
في منتدى الماجيك وأتمنى ما تحرموناش مشاركاتكو وتواصلكو الجميل معانا

***********
ونشوف معانا اتصال تاني ونقول الوووووووووووو
صباح الخير
الو؟؟؟؟؟؟؟؟؟؟؟

المره دي لا مستر وللا غيره ام سيد الى بتتصل بنفسها وبتدعو كل الاعضاء وخاصة المذيعه الى مالهاش حل دي انهم يشوفو اول حلقه ليومياة ام سيد
ويارية المذيعه تعلق عليها في برنامجها الى على قناة نجوم اف ام

أهلا بيكي يا احلى ام سيد في الدنيا منورة البرنامج والاذاعة وكمان المنتدى بحاله
*****************
وانشاءالله نوعدك بالحلقة دي قريب انشاءالله
*****************
بشكرك كتيييييييير يا ام سيد ع تفاعلك معانا
ونشوف معانا اتصال تاني

******************
نقول الووووووووووووو

يا رييت تعتبرونى صديق البرنامج الفكره جديده وتجنن وبشكر صاحب الفكره
ومعجب جدا بإسلوب المذيعه الجميله ويارييت تكمل فى البرنامج ده
وبحب اهديها اغنيه اعز الناس لعبد الحليم ولو حد حافظها يقولها بقى علشان مش حافظها
بقتنول ليتنيها تكتنمل ونشتنوف متنها حاجاتنات كتتنير حتنلوه ويارتنب يخلتنيها
I love you

الحب هو ان تعطى الحق لشخص ان يتدخل فى حياتك بكل ما فيها بدون خطوط حمراء وله كل الصلاحيات فى تغير مجريات امورك حتى ولو كانت للاسؤ مع ذلك فانت سعيد به حتى ولو كان يضرك فأنت تراه بعين مغمضه بل عمياء
هذا الشىء الذى ليس له هويه فانا اتحدى اى شخص ان يعرف الحب تعريف منطقى . فعلى سبيل المثال
اذا سألت شخص يحب (ايه هو الحب) فسكون رده انه اجمل شىء فى الدنيا
واذا سألت شخص مجروح نفس السؤال فسيكون الرد انه اسؤ شىء فى الدنيا
وربما يكون نفس الشخص فى كلتا الحالتيين
فعليك ان تختار من تحب او بمعنى اخر تختار من تعطيه صلاحيات التدخل فى حياتك بدون قيد
مع العلم ان هذا سيكون شبه مستحيل
لا احد منا يدرى من ومتى يحب ولماذا يحب
وإياك وان تجرح من تحب حتى لو بدأ هو بذلك فأحرص على ان يكون قلبك طاهراً
وفى النهايه فلابد ان اطرح سؤال...... من منا لم يجرحه الحب؟
ومن منا لا يملك زكريات مؤلمه ؟
فنحن نحب من يجهل حبنا ونجهل من يقدر هذا الحب

ولا يهمك يا عمرو

انا هكتبلك الاغنية

وبالمانسبة بهدى الاغنية دى كمان لبنت الشرقية

على طول الحياة نقابل ناس

ونعرف ناس ونرتاح ويا ناس عن ناس

وبيدور الزمن بينا يغير لون ليالينا

وبنتوه بين الزحام والناس ويمكن ننسى كل الناس

ولا ننسى حبايبنا أعز الناس حبايبنا أعز الناس حبايبنا

سنين وسنين تفوت ما نحس بوجودها ولا وجودنا

ولحظة حب عشناها عشناها نعيش العمر تسعدنا

ومين ينسى ومين يقدر فى يوم ينسى ؟ شعاع أول شرارة حب

ونظرة من بعيد لبعيد تقول حبيت ورمش قول غلبني الحب غلبني

ومين ينسى ومين يقدر في يوم ينسى

ليالي الشوق ولا نارها وحلاوتها

تقبلى اهدائى

أهلا بيك
A1M2R3
أكيد احنا هنعتبرك صديق عزيز ع البرنامج بس يا ريت تستمر وتتواصل وتتفاعل معانا وتشارك في المواضيع الجديدة في كل حلقاتنا الجية
**********
وبشكرك ع الاهداءالجميل ده جدا جدا
**********

بشكرك ياسلفستر ع الاغنية موووووووووووووووووت
واتنهلا بتنيك يتنا عتنمرو يارتنب تكتنون كوتنيس

ههههههههههههههههههههههه
ما تيجو نعمل لسلفستر وبنت الشرقيه اذاعه لواحدهم
هو ايه الحوار يا رداله موووز ومالناش في الزحلقه
انا والله ما بقطع ارواق بس نا بعرفش اسكت ومشملتى ان انا فااااهم
اخر حاجه تختم بالدعاء
قولو ورايا
ياليتنى كنت غبيا

ههههههههههههههههههههههههههههههههههههه
ايه حوار الابجديه الى احنا عايشينه دا
انا حاسس انى في كي جى 1
ِِِِِِِِA1M2R3W4T5Y6
انت فين يا ماجيك احضرنا

واتنهلا بتنيك يتنا عتنمرو يارتنب تكتنون كوتنيس

لا تعليق

ربنا يوفقك

بشكرك كتير يا عمرو على مشاركتك الجميلة اللي عن الحب واكيد كلامك ده صح لان كل واحد ليه نظرة مختلفة
بس انا حبيت اخد نظرة كل صديق من اصدقاء البرنامج عشان نشوف اصدقاء البرنامج اخبارهم ايه
وعلى فكرة فعلا كل واحد له ذكريات مؤلمة بس الانسان ربنا منحه نعمة النسيان اللي بتخليه يشوف الدنيا حلوة
بشكرك كتيييييييييييييير ع مشاركتك الحلوة دي

وياريت كل الاصدقاء ما يخرجوش عن الموضوع ويشاركونا فيه لان الحلقة دي قربت تنتهي ونبدأموضوع جديد

فارجو ان اي واحد ليه موضوع ليه علاقة بالحب يشاركنا فيه واكيد احنا بانتظار مشاركاتكو معانا

وبشكرك يا بنت الشرقية على حضورك وتواصلك الدائم معاانا انتي وسلفستر

وأحب أشكر كمان ماستر على تواصله بس
ع فكرة يا ماستر لحد دلوقت انت شاركت في حلقتنا دي اللي عن الحب كتير بس ما اديتناش اي مشاركة ليها علاقة بالحب
ياريت تتحفنا ونشوف ابداعاتك

وشتنكرا لجميتينيع اصدقاتناء البرناتنامج عتنلى تفاتنعلهم معاتنانا

ونشوف معانا اتصال تاني ونقول

الووووووووووووووو
اهلا بيك

master كتب:: ههههههههههههههههههههههه
ما تيجو نعمل لسلفستر وبنت الشرقيه اذاعه لواحدهم
هو ايه الحوار يا رداله موووز ومالناش في الزحلقه
انا والله ما بقطع ارواق بس نا بعرفش اسكت ومشملتى ان انا فااااهم
اخر حاجه تختم بالدعاء
قولو ورايا
ياليتنى كنت غبيا

ايه يا ماستر لا زحلقة ولا حاجة
عادى

الووووووووووووو
ماسة معاكى سلفيستر
احب اهدى لماستر الاغنية دى
اتخنقت

لا زهقت

من الحياه ومن اللى فيها والبيت واللى فيه

حظى زفت

لا قرفت

هوه ليه الفقر مصاحبنى وملازمنى ليه

اتخنقت

لا زهقت

من الحياه ومن اللى فيها والبيت واللى فيه

حظى زفت

لا قرفت

هوه ليه الفقر مصاحبنى وملازمنى ليه

ايه .. ليه

اعدت البيت بتضايقنى

اصل ابويا يا ناس خانقنى

عايز اسيبلو البيت بحالوا

ايه اللى خانقوا منى مالو

مش طايقلى كلمه ليه

لما انا خد الشهاده

قولت دا العمل عباده

اشتغلت كل حاجه

كل ماشتغل فى حاجه

اترفض من الشغل ليه

اييييه.... لييييه

انا نفسا مش متظبط

اصل البت بتاعتى اتخطبت

روحت لابوها قال ده صايع

بتى انا دبلوم صنايع

يبقى نديهالوا ليه

من صغرى النكد نصيبى

والجنيه مدخلش جيبى

من ايام مكنت عيّل

بختى ليه دايما منيل

متقولولى اعمل اييه

ايه .... ليييه..

اتخنقت

لا زهقت

من الحياه ومن اللى فيها والبيت واللى فيه

حظى زفت

لا قرفت

هوه ليه الفقر مصاحبنى وملازمنى ليه

ايييه.. ليه...

كل يوم يا ناس بقابله

دايما اسود م اللى قابله

حظى فى كل حاجه نيله

الحيا بأت سأيله

قربت اتجنن ياهوو

شكلى كده حلبس شكاره

وامشى ازأل ب الحجاره

واشتم الناس غصب عنى

والعيال يخافوا منى

ويقولوا العبيط اهووووو

العبيط اهووو ... العبيط اهووو

يااارب تعجبك يا ماستر

هههههههههههههههههههه
بشكرك كتير يا سلفستر على مشاركتك وتفاعلك معانا
بس ع فكرة
فعلا اهداءك جميل
والاغنية دي جميييييييييييييييييييييييييييلة
بس انا بس حبيت اسألك ايه مناسبة اهداءك ده وايه اللي جاب الاغنية دي على بالك اصلها بصراحة جديدة عليا
فكنت عاوزه استفسر
منك يا سلفســـــــــــــــــتر
...................................................

لا دى جات كدا
حبيت اهديها للماستر
لانى عرفت انه بيحب سعد الصغير
بس على فكرة فيه ناس متعرفش ايه هو الحب ولا معناه
واكيد مشاركوش فى البرنامج بتاعك
بشكرك كتير على برنامجك الرائع اللى متعنا كتير

شكرا ليك يا سلفستر جدا على اهداءك لمستر
اكيد سعد ليه معجبين واحنا بنقدر كل اصدقاء برنامجنا وأذواقهم

وشكرا ليك يا سلفستر ع حضورك المستمر معانا

وشكرا ماستر

ونشوف معانا اتصال تاني نقول الووووووووووووووووو

ده ايه التردي الفكري الي احنا عايشينه ده
سعد الصعير ايه وهباب ايه
دانا عمري ما سمعته
مين قالك يا ميدو ان انا بسمعه
يمكن تهيآت عندك ولا حاجه
عيب الكلام دا يا حبيبي وارجع لعقلك
ماكانش تعليق علقته
انت عارف انى بعزك فبلاش الكلام دا يطلع منك

اوكي بشكرك يا ماستر ع وجودك معانا
بس ع فكرة اكيد سلفستر مش قصده حاجة وياريت كمان الصداقة تفضل وما يكونش سبب زي ده سبب لحصول مشاكل واكيد هو كمان بيهزر معاك لانك صديق عزيز اكيد ليه وللبرنامج وهو كمان اكيد بيحاول يفرفش معانا
ياريت تخلي روحك حلوة
***************
وعموما ماتزعلش حقك علينا وع البرنامج وعليا انا شخصيا
وع الماجيك كله
***************
وأكيد لو هو قصده حاجة انا بعتذر بالنيابة عنه
***************
بس انا واثقة ان سلفستر اخلاقة ارقى من كده بكتير
زي ما انا واثقة تماما انك اكيد انت كمان اخلاقك عالية وروحك حلوة
وأكيد هتفضلو كلكو في الاول والاخر
أصدقاء
ولا انت ايه رايك يا مستر انت وسلفستر
وكمان انتو اكيد من أصدقاء البرنامج
***************

بشكرك كتير وبقولك روق واضحك للدنيا تضحكلك

بشكرك يا مستر

نشوف معانا مشاركة تانية

بشكرك يا ماسه
انا مش بقوله كدا الا لانه عرف ان الكلام اى كاتبه دا عيب
وهو اكبر من كدا
شكرا

وياريت نظرتى ليك ما تتغيرش