نحن نمر بأزمة سموها امتحان المدرسة
لو مرة تمرو في وسطنا هتلاقو فن وهندسة
واحد من بيننا مكتئب والتاني في وشه متعسة
والتالت عاوز ينتحر والرابع عاوز مشنأة
والكل ما بيننا منفعل وكأنه جمرة مولعة
وتلاقي خدوده محمرة وكأنه بنت مدلعة
وهو يا عيني من الكتب هتلاقي عينه مأبأبه
وتلاقي إيده من القلم جدا يا عيني مورمة
دي حالة لو فضلت كدا هتلاقي الحالة مهببه
دا الكل دايما يفرحوا واحنا دايما نتنسى
يقولو لنا ذاكرو وامسكو الكتب واقضوها متعسة
احنا عاوزينكو توصلو يا طب وبالقليل هندسة
و في الآخر لما نجيب لهم اللي عاوزينه نرجع متعسة
واحد يشتغل ومرتبه يدوبك يجيب له الأكل دا
والتاني بيدور ع شغلته ويقول انا معايا هندسة
و في الآخر كله بيتعذب وياريتها ما كانت مدرسة
الأربعاء أغسطس 19, 2009 12:09 am
